蔡志明買酒店開party
玩具大王蔡志明前晚平安夜與家人同於西貢新購入的酒店舉行聖誕party，場面溫馨熱鬧。蔡生透露購入該幢樓高五層的酒店半年，酒店坐擁無敵海景，至今仍然有很多人問價想他賣出，足證他夠眼光。
每年玩具大王蔡志明都會跟家人歡度聖誕佳節，今年也不例外，前晚平安夜一家上下包括蔡太蔡李惠莉、長女蔡加敏與丈夫馬鴻銘及子女、女兒蔡加怡與丈夫陳漢驄、孻仔蔡加讚與太太汪圓圓、姪兒蔡加頌和太太盧靜賢齊集西貢自置的酒店舉行聖誕party，宴請一百五十位員工及好友，於平安夜倒數迎聖誕！
買入半年成搶手貨
當晚的晚餐以自助餐形式進行，有龍蝦、長腳蟹、燕窩魚肚羹及BBQ等美食。加敏的六歲女兒Chelsi更上台獻唱多首英文歌，包括近期hit爆的《Let it go》，表現毫不怯場，悅耳的歌聲和可愛的台風贏得全場掌聲。提及這間未開業的酒店，蔡生說：「間酒店買咗半年，未改名，遲啲先，依家仲未開業，平時係close嘅。酒店有五層高，我同屋企人或者朋友出海時會嚟坐一坐。（你嘅私人度假屋？）係大型度假屋。（投資咗幾多錢？）唔講得，因為太多人想買喇，我買完之後都有大把人問，想我賣。（你買親都一幢幢？）呢啲好細幢啫。」
無敵海景環境優美
他又謂舉行聖誕party前後已十多年，聖誕節有假期，因假期不長不會出埠旅行，舉行聖誕party慶祝最好，蔡生說：「以往多數都係喺屋企搞，今年轉吓地方，喺呢度搞有新鮮感。」蔡太就大讚酒店景色優美，環境好，她說：「呢度日頭環嘅境都好靚，有海景，好似坐郵輪咁。今晚天氣好好，好溫暖。喺香港過聖誕最有氣氛！」
文：名人組