馬國明平安夜唱爆咪
緋聞情侶馬國明及朱千雪昨日於荃灣出席聖誕活動，二人未有因緋聞而尷尬，反而樂玩二人三足遊戲。馬明表示最近未開新劇，故大部分時間都去踢波及休息，他笑言前晚踢波後在家中練歌：「媽咪一見我拎起支咪就返入房！」提到好友鄭嘉穎被指密密飛上海，疑似在當地有新女友，馬明表示未有聽聞，又謂嘉穎可能因不是出席公開活動而令大家誤會。馬明笑言：「佢話介紹女仔我識，不過佢揀完到我揀！」
朱千雪被問與緋聞男友馬國明一起出席活動可感尷尬？她說：「唔會，因為由頭到尾都冇尷尬過，緋聞係人哋寫啫！（約佢飲下午茶？）唔得啦！我要減肥！」朱千雪透露前晚平安夜與女友人吃飯後病倒，故未有再外出。