送花傳求婚 方力申：會盡力！

藝人方力申疑似向女友鄧麗欣（Stephy）求婚成功？事緣Stephy昨日上載了100枝紅玫瑰的照片到社交網站，惹來一眾網民的揣測，小方接受電話訪問時說：「我無送喎，亦唔係求婚，求婚會盡力！（唔驚佢有人追？）驚唔嚟嘅，但我諗係拍戲啫！」Stephy亦透過助手表示只是在拍戲。而小方昨日出席活動時就透露將來想當一個嚴父，要小孩盡早學會面對挫折。