婷婷「未來奶奶」降呢網購腳
回復單身的謝婷婷昨晚出席活動時與舊愛戴尚安的母親李桂蘭同場，婷婷表示不會因此感到尷尬，指兩人是網上的shopping腳，大讚對方衣着品味出眾，雖然對方做不成她的奶奶，但婷婷謂她們仍是好朋友已覺很幸運。
謝婷婷昨晚出席「浪琴表香港國際賽事」歡迎晚宴時，與舊愛戴尚安的母親李桂蘭同場。問她可會感到尷尬？婷婷說：「唔會，我哋係網上嘅shopping腳，大家會講時裝經，佢着衫着得好靚，又識自己化妝，對腳好靚好滑。（佢做唔成你奶奶覺唔覺得可惜？）OK，我哋仲係好朋友，我已經好幸運。」而李桂蘭約於八時才到，未知兩人會否在場內碰面。
想與姪仔過節
對於婷婷早前表示會建立一個family group聯繫家人，問到進度如何，她說：「唔係咁work，我未整，驚爹哋唔識用，除咗佢會幫我哋砌番細個時嘅相同燒隻碟畀我哋，我每次去爹哋屋企就係睇佢開佢後生嘅相畀我睇，佢真係好靚仔。」她更指每次出活動最愛拖住父親，大讚父親好有自信，又高又挺又型。問到她哥哥謝霆鋒知否她甩拖？她透露與哥哥少講感情事，故哥哥不知道。提到今年過Lonely Christmas，她說：「我OK，屋企人咁錫我。（想唔想同姪仔一齊過？）當然最好啦。」
唐詩詠與陳敏之也有赴會，敏之透露聖誕要在工作中度過，未能陪伴丈夫慶祝，她指丈夫多年來已習慣。問到好姊妹胡杏兒早前在機場收到署名Mr.R送花，她說：「恭喜佢，我冇聽佢講過，好想呢個好姊妹快啲搵到男朋友，參加佢個婚禮。」
文：名人組