祥仔唔使拉票實力搶分

黎耀祥、胡定欣、曹永廉及蕭正楠等昨晚出席商場舉行的《名門暗戰》大結局活動，現場有數百觀眾撐場，一齊看《名》劇結局。活動開始時，眾人公審奸角黃浩然，關菊英更謂：「殺咗佢咪益咗佢！不如閹咗佢！」曹永廉即笑言：「菊姐你親手閹啦！」

大讚郭晉安出位

三屆視帝黎耀祥以《名》劇獲提名今屆台慶頒獎禮視帝，祥仔坦言信心「一半一半」，問會否借機會拉票？他謂：「其實最緊要觀眾收睇，睇咗就判斷邊個係好，唔使畀感情分。」祥仔又指剛於北海道旅行返港，那邊的香港人都有看《名》劇。

蕭正楠、曹永廉及祥仔在台上對付奸角黃浩然。

蔡思貝晒腿撐《名》劇。

祥仔又指之前攞了視帝多次，已對自己有交代，談到他有望成為首位四屆視帝，祥仔直言若再得獎就能成為里程碑：「最緊要對自己交代，唔係要獎項去肯定自己。如果我『揸流攤』但攞獎，我會慚愧！」

談到今屆角逐視帝的強敵，祥仔直指郭晉安走勢凌厲，會與對方憑「難度分」一決高下，他說：「佢比較強，演跛律師有難度，（對方演奸角較出位？）係會加分、着數啲，但我哋個組合有火花！」

定欣唔怕祥仔嬲

胡定欣昨晚以tube dress示人，她希望大結局收視達30點，至於投選視帝，她投了郭晉安，並謂：「我都好撐祥仔，不過安仔角色突出，(怕唔怕祥仔嬲？）佢都唔知我投咗安仔。」另外，蕭正楠看好曹永廉奪「男配角」獎，不過阿廉被問到奪獎信心時，他謂：「冇喎！咪就係得佢哋呢幾票！」

文：影視組