歌手鄧麗欣（Stephy）昨日為新歌《戒心》到電台宣傳，Stephy表示大家視線都集中在18禁的微電影MV，她透露有男歌迷睇完喊驚，問到男友方力申可有給意見？Stephy笑言：「佢驚都唔敢講出嚟！（有冇畀意見？）有呀，佢好想做導演，拍之前係咁畀意見我，但我本身已有概念，佢講過咩都唔記得喇。」Stephy表示已計劃下一首新歌，希望以逆向思維求新的突破，亦因今次效果好而感壓力。
