陳凱琳遭強暴 博做主角

2013年港姐冠軍陳凱琳亦奪得2014年華姐冠軍，是繼郭羨妮後另一位雙料港姐，可算是近年最靚港姐冠軍，所以未卸任便獲無綫力捧拍劇，先後參演《名門暗戰》、《四個女仔三個Bar》和《張保仔》，更入圍今屆台慶頒獎禮的「最佳女配角」及「飛躍進步女藝員」獎。

凱琳早前獲《名》劇監製羅永賢力讚是最佳新人，並對其演技充滿信心，安排她與前輩譚偉權（Gary）演強姦戲。戲中凱琳被Gary迷暈後送到別墅施暴，更遭拖落地兼飛埋牆。拍攝後Gary爆凱琳事前有點「淆底」，但讚她反應逼真。

陳凱琳被帶到別墅，再遭施暴。

凱琳起初與譚偉權到酒吧飲酒。

拍前齊祈禱

凱琳坦言事前與父母對劇本，兩老也擔心，幸羅監製表示不用剝衫或裸露，身為基督徒的凱琳謂：「拍之前有同都係基督徒嘅Gary祈禱，希望拍攝順利。拍攝時冇尷尬，覺得都駕馭到。（影響高貴形象？）一向都唔覺得有呢個形象，拍戲要投入，一開始拍劇就冇港姐負擔。」

譚偉權強行將凱琳拉落地。

黃浩然趕到現場拯救凱琳。

以往高海寧、徐子珊及楊怡等，也因強姦戲掀起熱話，同時贏得收視與口碑。相信今次《名》劇的施暴戲，亦有助凱琳爭取表現，為日後做女主角鋪路。正於橫店拍《張保仔》的凱琳昨接受電話訪問，問她有否信心奪獎？她說：「祝福所有獲提名嘅人，有提名已經好感恩，以感恩心態面對係最好，贏唔贏都冇所謂。（邊個呼聲最高？）個個都好犀利。」

另外，對於《名》的強暴戲，Gary也是第一次演：「凱琳叫我放心做，要拍好多鏡頭，導演、攝影師起初話唔夠狼，但我驚過火，所以好矛盾。」

文：影視組