婷婷畀狗咬 痛在男友心
謝婷婷日前被友人所飼養的大型狗隻咬傷，右手有明顯傷痕，亦要打破傷風針及吃藥，令男友戴尚安（Sean）非常心痛。但連野生動物如獅子、獵豹都不怕的婷婷，揚言不會因被咬一次而怕了狗隻。
藝人謝婷婷昨日出席手袋活動時，右手手上有明顯傷痕，她透露四天前被朋友所養的大型狗隻咬傷，但坦言只是意外，亦不會因而怕了狗隻。問到男友戴尚安（Sean）是否非常心痛？她笑說：「佢擔心，都有關心我。佢話我哋去非洲，同咁多獅子、象、獵豹一齊都冇事，反而畀狗咬。爸爸就問我有冇患癲狗症。」她坦言事後已即時打破傷風針，亦要食藥七天：「本來應該要縫針，不過因為狗嘅口有好多細菌，所以唔可以封住個傷口。」
暗示聖誕想收鞋袋
另外，問到Sean曾否送袋子給她？婷婷笑言對方曾想送鞋履給她為禮物，但當時她醉心下廚，故要求對方送上攪拌機，她笑言：「之後佢就成日送家品畀我，可能聖誕佢會送啲女仔啲嘅嘢畀我啦，女仔都係鍾意鞋同袋。」她又透露Sean常送花給她，其中令她感到最特別的禮物，是由Sean親自拍攝的星空相片，現時放在家中作裝飾。
問到聖誕她是否會與Sean的家人一同旅行？她坦言：「唔清楚，因為佢仲有弟弟、妹妹，要睇夾唔夾到，我同佢家人都好熟。（要頭痛買聖誕禮物畀佢家人？）唔會，我買禮物好叻，上年聖誕我哋都有交換禮物，連狗都有禮物收。我上年準備咗有佢哋各人個名嘅聖誕襪畀佢全家人。」
文：名人組