亞姐保母被拖糧 葉家寶：呢兩日搞掂
亞視資金出現問題，除了早前拖糧兼將《ATV2014亞洲小姐競選》日期一改再改外，最近疑因財困再向亞姐四名兼職保母拖糧，每人薪金為數一萬多至二萬元不等，其中一名保母更到勞工處備案，另一名保母阿mi昨受訪時坦言未出糧，故會罷工：「上星期五話出又未有，今日再問又話唔知道，既然冇着落，我就罷工！直至出糧為止！」
記者就此事向亞視執董葉家寶了解，他說：「會向財政部了解，可能亞姐改咗期又解散咗班亞姐，支票入數有延誤，相信呢一兩日會搞掂！」另昨晚出席活動的張家瑩未聞此事，而王家敏接受訪問時指，十月頭本要出的底薪還未出到，有向亞視反映，但無人答覆。