黃榕又呻笨 登台遭走數
性感女星黃榕昨日與「綠魔」Karl現身元朗，性感谷胸為新店開幕擔任剪綵嘉賓。問黃榕有否計劃投資做生意？她自嘲「好蠢」：「我唔適合，都係儲錢好啲。（因為唔計較而畀人呃？）我都唔想咁蠢。」早前盛傳與負心男友魏焌皓甩拖的她，被問到在感情方面是否同樣「好蠢」？她稱對男人信心盡失：「我好驚愛情，人生中不斷畀男人呃，諗番都喊。」她更自爆日前在上海酒吧登台時遇上「騙子」：「我諗住個經紀過幾日會過錢畀我，但走咗數！」黃榕呢頭甩拖又被「走數」，慘歷人財兩失！
有傳黃榕獲內地歌手劉漢兆力追，同場的Karl就踢爆劉以魔術出冧招，黃榕也稱與對方「啱傾」，更大放追求「貼士」：「我鍾意大隻、靚仔、氹我開心！講甜言蜜語我最冧！（典型騙子條件？）但我又唔鍾意好悶嘅西裝友。」
王璐瑤：佢唔夠聰明
另外，黃榕好友王璐瑤（LuLu）昨日也與Karl結伴出席雪糕店開幕活動，LuLu即場食雪糕又影相，令雪糕滴落大腿。對於黃榕慘遭負心漢甩掉，LuLu說：「佢唔夠聰明，要跟我『學精』點識男仔。」而Karl被指是介紹人？他說：「我成日都介紹男仔佢識，十個八個都係我介紹，但介紹老公唔包生仔。」
文：影視組、名人組