張智霖做初哥哥失眠
張智霖與佘詩曼千禧年合拍的劇集《十月初五的月光》收視驕人，近日導演葉念琛續寫故事並搬上大銀幕。張智霖、佘詩曼和薛家燕等演員昨早在九龍灣一間卡拉OK開工。
據知《十》片交代君好嫁給司徒禮信（當年馬浚偉飾）後好景不常，喪夫重遇初哥哥再續前緣，張智霖昨日接受電話訪問說：「坦白講，個角色（初哥哥）已經離我好遠咁，所以尋晚（即前晚）瞓唔着，諗咗好耐應該點演，好彩今朝（昨早）導演都收貨。雖然簡單一場戲當熱身，但我嘅感覺返番嚟嘞。（見到舊拍檔有咩感覺？）99%原班人馬，真係恍如昨天。」
對於《十》片計劃配合片名，於本月26日（農曆十月初五）在澳門舉行開鏡禮，張智霖笑說：「有聽過，但嗰日我另有工作，睇吓配唔配合到，搞唔掂就叫張振朗頂住先，大家都話佢扮得好似我嘛。」