方皓玟冇錢整容唔怕撞樣

官恩娜（Ella）宣布訂婚前，前晚以香港代表身份與林奕匡、台灣歌手A-Lin、英國唱作歌手Tom Odell及韓國組合Lucky J出席「軒尼詩炫音之樂2014」，吸引歌手方皓玟、江若琳及新加坡索模Fiona Fussi睇騷。被指「撞樣」的Ella及方皓玟經記者再三要求才肯合照，穿Deep V連身裙的方皓玟笑說：「叫我方恩娜，個名易記啲。（真係整容？）冇錢整，依家啲租好貴，有錢都交租先。」方皓玟又讚Ella斯文：「我口賤，一開口大家就分得出。」Ella則謂：「好滿意媽咪生我咁嘅樣，冇乜郁過，如果整咗就唔會扁口扁面。」