周汶錡吊住開餐 半空浪漫

Kathy與老公婚後一直甜蜜蜜，向來鬼主意多多的Kathy，為給老公送上驚喜，秘密籌備這個浪漫之旅，她說：「今次係我畀驚喜佢，安排去小島住，成個島得一間resort，三十幾間房，呢度有好靚嘅陽光與海灘，有水上活動玩，啱晒佢鍾意做運動，出發前我淨係同佢講去泰國，呃住佢，去到泰國又要轉機，佢去到先知。」

侍應送餐吊威吔

最特別是resort裏面的餐廳，讓客人在樹頂享用午餐，十分浪漫，他們坐着的餐桌，由工作人員用威吔吊上三層樓高的樹頂，在半空中進餐。問她有否畏高？她說：「其實有少少驚，因為腳底都係木版，半空感覺到搖嚟搖去，侍應送餐時需要吊威吔，睇見佢哋飛嚟飛去，好似睇緊武俠片咁。」她說餐桌設計成鳥巢一樣，令他們恍如雀BB等着雀媽媽來餵餔，十分有趣。

周汶錡與老公都鍾意小朋友，希望今次有好消息。

Kathy與Julien於泰國小島慶布婚。

隨時準備好生仔

問到此行是否兩人去三人返？她笑說：「唔好逼我啦，開心就得。我哋已經隨時準備好，我哋都好鍾意小朋友，對我嚟講湊BB冇難度，自細我就好鍾意照顧人。」

文：名人組