吳啟華投資有道 長食長有
藝人吳啟華、王浩信和朱千雪前晚聯同一眾演員，在九龍城一間火鍋店收看無綫劇《再戰明天》首播。同場的監製林志華就透露吳啟華為劇組設立了食飯基金：「食嚟食去都仲有萬幾蚊！」而吳啟華就話基金其實是大家夾份，自己就負責管理，更吹水話自己動用資金去投資股票同過澳門賭兩手：「所以食極都食唔哂！」
其後談到會否怕懲教署職員角色太惡，所以不准囡囡收睇？吳啟華就指角色未算惡：「係嚴肅少少啫！喺屋企同佢都成日互相扮惡，我有邊一面佢係未見過？」
王浩信唔使捱打
至於一向「捱打」的王浩信在劇中是否繼續被打？飾演懲教署職員的他就謂：「如果囚犯曳打吓交，都會出手制止。（掛住捱打？）又唔係鍾意捱打嘅，呢套劇唔同以前，以前係動作上嘅轟烈，依家係愛情上嘅轟烈。」而朱千雪就透露媽咪特意從加拿大回港支持自己，問到會否叫她留港長住？她謂：「唔得啦，仲有其他屋企人喺嗰邊。」
文：影視組