謝婷婷一肚菌睇花生騷
【劉慰思倫敦直擊】藝人謝婷婷抱病現身倫敦時裝周，出發前她飽受腸胃炎煎熬，導致肚脹脹，幸無損興致，倫敦行之後轉戰米蘭，繼續欣賞「花生騷」，順道物色禮物送給男友戴尚安。
倫敦時裝周正進行得如火如荼，謝婷婷於倫敦時間本月13日現身「WHISTLES 2015春夏時裝騷」，並由品牌高層親自在門外迎接，受寵程度可見一斑！
會為男友買禮物
婷婷說當天早上才落機：「我出發前腸胃炎，個肚未試過咁多菌，成個脹晒。我都唔知食錯乜，不過醫生開咗藥，好彩依家冇乜事！」幾度到倫敦的她興奮地說，稍後會首度踏足米蘭繼續睇騷，直認熱愛時裝的她說：「希望有機會參與collaboration（合作）。（想唔想出自己英文名Jennifer命名嘅系列？）遲啲啦，我都有諗過o架！（會唔會shopping順道買禮物畀男友戴尚安？）希望搵到啦。」
麥卡尼舉家現身
披頭四成員之一保羅麥卡尼（Paul McCartney）亦於同日下午偕同太太Nancy Shevell與女兒Stella McCartney現身「Hunter 2015春夏騷」。Stella並與時尚雜誌《Vogue》主編Anna Wintour雞啄唔斷，十分老友，同場還有英國小天后Rita Ora。Rita Ora同日走兩場與英國人氣模特兒Daisy Lowe盛裝出席另一時裝周活動The Lulu Guinness Perspective，而Daisy Lowe以銀色bra top性感上陣，非常搶眼，成為全場焦點。