松岡 夏尉喻爭行尾運
周星馳今晚將殺入深圳，親自為新片演員招募決賽揀蟀！有份參戰的「寸嘴Barbie」夏尉喻、蔚雨芯、松岡李那及許雅婷等正終極練舞和練戲，務求博得周星馳垂青，並試穿魚尾感受做美人魚的感覺。
籌備多時、周星馳（星爺）執導新片《美人魚》的演員招募決賽今晚在深圳華僑城舉行，近日新聞多多的星爺將親自到場揀選女演員，13位新進女演員昨日綵排，務求以最佳狀態見人。
入圍13強的「寸嘴Barbie」夏尉喻、「魔鬼胸」蔚雨芯（Rainky）、日模松岡李那、周秀娜師妹許雅婷（Kabby）及多名內地選手連日來密集式受訓，包括練泳術、演技及舞蹈，昨日更率先換上「美人魚」服裝，眾女下身穿假魚尾感受做美人魚的感覺，獲分藍色魚尾的松岡興奮地說：「我幸運顏色係藍色，令我信心大增！同埋着咗魚尾好難行，我感受到人魚公主點解咁想要對腳！」
許雅婷扮道友
近日Rainky同時要在港拍劇，經常中港兩邊走，她直言疲累：「但好開心有機會進攻內地市場，學到好多嘢，我唔會當係比賽，當係表演咁去享受。」Barbie則表示已跟多名內地選手成為朋友，訓練踏入倒數階段令她不捨：「同鄺華麗特別有緣分，同房去廁所都唔使閂門，有時時間緊逼，成班參賽者都照當眾除底褲換泳衣！而且呢段日子我學到游水同演技，我可以喺水中打觔斗，簡直係奇迹！」
日前眾女上演技課，Kabby不顧儀態踎低扮道友，松岡則睩大眼扮惡霸，非常投入！上舞蹈課時，Rainky瞓地踢腿時被內地選手徐軫軫踢至披頭散髮。一眾「準美人魚」又參觀水族館，捕捉水中生物的神態。
文：影視組