Amanda S.離婚尋回自己
名模Amanda S.早前宣布與意大利籍老公Christian Cappelli結束3年婚姻生活，Amanda接受本報訪問，她雖說心情平復了不少，但提起離婚仍然眼泛淚光，更直言大家相處了11年，人生三分一時間都是圍繞住對方，現在才尋回自己，展開屬於自己的新一章！
離婚後的Amanda寄情工作，一副女強人的樣子，這11年來陪伴成長的另一半Christian Cappelli，與她風雨同路，二人拍拖8年多，結婚3年最終還是離婚收場，外間雖然有好多揣測離婚原因，但Amanda一再強調二人分開是因性格不合：「大家性格唔啱，冇其他原因，始終11年感情，我哋都曾經努力過。」
事事對方為先
有人說「十年人事幾番新」，但Amanda這11年來深愛着Christian，雖然離婚了，但二人仍然是朋友，會一同食飯。Amanda眼泛淚光說：「依家係一個new chapter，所有嘢都係關於我，11年喇，到這一刻我生命入面嘅3分1都同呢個男人一齊，去買餸會買佢鍾意嘅食物，買衫會買佢鍾意嘅款式，所有嘢都係關於佢，會諗佢鍾唔鍾意，我先發現唔認識自己，依家我先搵番自己。」
仍信一生一世
雖然已分開半年，但要放低這段感情，談何容易，更何況要認識過另一個人，Amanda說：「要睇緣分，就算我ready好，但冇呢個緣分都冇用，我依家專心工作，我仍然相信一生一世，相信會再發生喺我身上。」
Amanda現階段專注於工作，感情失意但事業得意，其開設的餅店petite Amanda現有兩間分店，更計劃下年在九龍區開第3間，另外還將工作大計擴展至神州，將會在內地開曲奇店。
文：名人組