o靚模賣美色 陪食燒鵝籌款
「o靚模慈善飯局」整裝待發，前騎呢組合AD2成員艾美琦（Amy）及仙樂都（YoYo）等一眾o靚模，將於今天與8位成功投得飯局席位的善長仁翁，前往深水埗明哥飯店食燒鵝。早已預告會以性感裝束上陣的她們，望以美色增加善款數字。
昨日「胸」降「亞洲會成立兩周年慶典」的YoYo，笑言會盛裝出席：「希望我哋今日用美色，叫善長即場捐多啲錢。（如果佢哋問你拎電話？）我會叫佢加我facebook fans page，我每日都會親自回覆粉絲嘅留言o架！」正在恰談亞視劇集的她，坦言望作多方面嘗試。
而Amy則坦言為慈善不介意性感打扮，但仍要視乎公司安排：「啲人成日覺得o靚模飯局唔好，但我哋籌到嘅善款會捐出嚟。」Amy講明即使捐款高達50萬亦拒賣身：「有人喺facebook出呢個價包我一個月，我冇理過對方。」
筱靖倒米睇無綫
提到有傳無綫大裁員，同場的前亞姐筱靖指不擔心好友翟威廉，更倒米謂：「我有睇TVB，媽咪都鍾意睇佢哋啲劇。」而以亞洲會顧問身份，相隔一年再踏足亞視的盛品儒坦言：「無限唏噓，講笑，當嚟探吓朋友。」他又指將與女友蔡一鳳明年中結婚，年底開始籌備。」亞視執行董事葉家寶則指稍後會招聘大量人手。而主要投資者王征在台上高呼：「亞視萬歲！我們偉大的亞洲會萬歲！」
文：名人組