泳兒湊美人魚熱 罕露南半球

歌手陳慧琳（Kelly）、李克勤、泳兒、陳明恩、羅力威等前晚為「英國保誠呈獻：迪士尼90周年音樂會」演出，眾人全晚換上多套配合迪士尼動畫的歌衫，泳兒亦一湊美人魚熱潮，以一條極性感的bra top公主裙現身，胸前的少布設計令身材澎湃的她不禁露「南半球」，被踢爆後她不時以手遮胸，但仍死撐說：「我覺得fit喎，已經改咗size，係咁㗎。好難得有咁嘅機會，人生第一次着到咁行！」問她結婚時可會如此性感？她笑言：「咁要問吓隔籬嗰位接唔接受到！」

Kelly豪晒deep V

至於Kelly最後亦換上一套deep V背心裙，性感又高貴，但未知是否怕被追問細佬陳司翰偷食D奶妹的《好報》報道與莊思明分手一事，一反常態未有受訪。

Kelly的deep V裝令人前眼前一亮。

Kelly與克勤拖手合唱。

而平時牙尖嘴利的克勤訪問時就指今次被歌詞考起：「平時記歌詞『嘞嘞聲』，成日奚落身邊嗰個（指譚詠麟），佢就寸我他朝君體也相同，今次完全領略到，今日啲英文歌好難記，尤其是急口令式嗰啲。」

羅力威與陳明恩以王子公主造型上陣。

音樂會指揮趙增熹與米奇與米妮在台上合照。

克勤諗過唱兒歌

克勤又指一家都是迪士尼fans，花了不少使費在迪士尼產品上，故兩個囝囝都有到場欣賞，但很少父子檔在家唱歌：「其實我喺屋企唔鼓勵唱歌，鼓勵睇書。」克勤透露曾認真考慮出兒歌碟：「5、6年前有諗，我問阿倫得唔得，佢話真係答唔到我，佢唔擔心兒歌碟嘅銷量，但怕我之後再出碟嘅銷量，驚大家代入唔番。」文：音樂組