Alice B.戰勝抑鬱 學煲冬瓜操肌

模特兒Alice B.前年因母親患病而患抑鬱症，曾在模界「絕迹」一段時間，提到是否已從情緒病中走出來，她笑言已沒問題：「返咗英國每日都同爸爸媽媽一齊，佢哋畀咗好多愛我，依家完全康復。」

期待拍打片

已全面復出的Alice誓要「追回」自己的事業，問捲土重來後有甚麼大計？她說：「想做番多啲有關時裝嘅嘢，回歸原點。」未來一年Alice亦希望可多方面強化自己，尤其是想做多些幕前工作：「我一直都想拍電影，想喺香港或內地起步，依家重點係學好普通話，做肌肉訓練塑造好身材線條同應付動作片需要，想試吓拍動作片同功夫片。」她又謂要保持健康，立志做個「全能」的女人。

Alice因與葛民輝拍電子產品廣告而為人熟悉。	母親患病曾令Alice心情跌落谷底。	Alice希望進軍內地。

談到學普通話的困難之處，Alice表示懂意大利文及德文，學的時候不困難，但普通話就較難學：「我有跟兩年前嘅前男友學，但好難，尤其係發音，我打算參加小組形式普通話班，有同學交流可能會較好。」

不乏追求者

提到感情狀況，Alice指自己現在單身，但承認有人追：「都想拍拖，但已受夠不停離離合合，想專注工作先，有好對象先會考慮拍拖。」

文：艾石

場地：雷橋燒肉日本料理

服裝：Milan Ciaga/Model's own

髮型：Tim@Marek Art of Hair