趙勁皓為闖影壇脫清光

藝人趙勁皓（King）早前推出寫真集而人氣急升，為他帶來名利及工作機會，但他卻明言下年會「封胸」，並希望轉行出書做才子：「下年應該唔會再出（寫真集），反而會有興趣出書，因為我本身係讀中文，之前都有同老師傾過，可能會用番以前啲文同詩，出一本文集再加自己嘅傳記。因為我由細到大都好窮，到大個咗就一路讀書一路做嘢，之前同呢行嘅前輩傾過偈，佢哋都覺得我個故事幾特別。」King更坦言出書並非為賺錢，只為滿足心願：「我知可能未必好有市場，所以呢本只係自己想出嘅書。」

性感冇底線

King憑寫真集闖出名堂，工作接踵而來，當中不乏劇集及電影的邀約，惟他卻未有定下性感底線：「現今大部分電影對女仔嘅尺度要求好高，但對男仔極其量都係除衫，除非係去到藝術電影，好似梁朝偉喺《色，戒》入面咁露股，但近期都好少同類型電影，所以自己都冇考慮過呢樣嘢。」

趙勁皓希望下年能出書圓心願。

憑寫真集闖出名堂的趙勁皓（右），卻明言下年「封胸」。

最想遇李安

不過King亦坦言若遇上好劇本或者導演，不排除豁出去為藝術犧牲：「其實都係睇番劇本同導演，目前最想見到電影海報上有自己個名。如果真係一個可以發揮到嘅角色，或者戲份重，咩角色都想試。如果真係拍《色，戒》呢類戲，仲要同好似李安呢啲藝術家導演合作，當然冇問題，但如果係色情嗰種就唔會。」

文：專案組

攝：吳文聰　

場地：Flair Iron