蔡少芬信仰問題鬼咁抱歉
無綫十一月將開拍鬼喜劇屬意由好拍檔陳豪與蔡少芬（Ada）孭飛演出，Ada推掉兩三套大陸劇準備檔期拍攝，但後來得悉劇集題材講鬼，因信仰問題而辭演，推掉大陸劇準備回娘家開工的Ada白白損失數千萬。
無綫監製徐正康將開拍鬼喜劇，原意邀請好拍檔陳豪與蔡少芬擔任男女主角，Ada亦已預留檔期返娘家拍劇，但再傾劇本才發現新劇以鬼故事為題材，篤信基督教的Ada因題材與信仰有衝突而辭演，角色改由原本演繹另一角的田蕊妮頂替。她受訪時抱歉說：「我喺上帝嗰度有個領受，所以唔想接拍鬼片，以前拍完《陰陽路》之後十幾年嚟嘅電影、電視都冇拍過鬼片。」Ada說到未能再與陳豪合作感可惜：「陳豪都知，佢都問我，乜你拍鬼戲㗎咩？」
田蕊妮執二攤
為預留檔期拍無綫劇，Ada推掉兩、三套大陸劇，現在豈不是損失數千萬酬金，Ada笑說：「唔覺可惜，睇吓之後有乜再接過囉！」剛於華鼎獎奪獎的Ada坦言開心，問到會否加片酬？她笑說：「加唔加價交畀經理人，自己好感恩。」頂替Ada拍攝的田蕊妮篤信佛教，她說：「每個人選擇都唔同，我就冇乜所謂，今次同陳豪第一次合作，好期待。」
陳豪被問到未能與Ada合作可惜嗎？他說：「冇，蔡少芬係自己friend，今次冇機會，希望下次，佢係一個好對手，對人好、又好玩、又夠癲，大家合作好有化學作用，同阿田就第一次合作，會有新鮮感，未知做乜角色，期待同徐正康監製再合作。」
劉心悠玩驚嚇
另外，陳豪與劉心悠前晚出席活動，他透露最近正為兒子入學問題煩惱，認為香港教育制度令人頭痛，為兒子前途感憂心。劉心悠則再接拍鬼片，莫非想挑戰李心潔做鬼后？她說：「唔理稱呼，好少機會拍鬼片，今次可以真真正正扮鬼，唔驚化爛面妝，最緊要得人驚。」
採訪：影視組