Crystal獨居驚魂 頑抗小強
張紋嘉（Crystal）做了五年「獨居宅女」，在一個人的屋簷下，被迫獨自對抗蛇蟲鼠蟻與最怕的蟑螂，生病時又乏人照顧，但獨居經歷反變成她寫書的題材！
Crystal近年除了唱歌，還有寫書和演出舞台劇，早前她推出散文集，便是首度分享「宅女」加「獨居」的生活逸事，Crystal說：「本身係獨女，加上好長時間冇拍拖，所以想分享自己獨處嘅貼士。」她覺得未試過搬出來住的人都會憧憬一個小天地的畫面，不過當她經過五年的獨居生活後，就發覺現實和幻想往往是兩個世界。
單說經濟問題，Crystal不禁說：「每個月要交租、水電等必要開支，定期要去超市入貨，以前同屋企人住乜都唔使理，一聲肚餓，阿媽唔使十分鐘就煮咗碗麵，依家想食嘢就要靠自己！」但最可憐要數生病，她謂：「病到死死吓一個人爬去睇醫生，亦因為咁學識至少放定500蚊喺屋企應急，費事病到好辛苦仲要撳錢睇醫生。」
學識煲湯做家務
不過，最令Crystal擔驚受怕是見到頭號剋星「曱甴」，曾經有段時間租住村屋，每次有曱甴出現都嚇得變瘋，但又不能「放生」牠：「朋友叫我用拖鞋打死佢，我真係驚到做唔到，我要同佢保持距離，所以只可以用殺蟲水，我夠膽幫佢收屍已經好勇敢喇！」經過這幾年訓練，最大進步是學會做簡單家務、煲簡單涼茶和老火湯，Crystal笑言：「點都要識啲，期望有人對自己好，不如先對自己好。」
文：綠茶
攝影：吳文聰
場地：紅磡都會海逸