郭偉亮踢爆老婆 奶奶面前扮嘢
音樂人郭偉亮（Eric）及葉佩雯（Grace）前晚「夫妻檔」為節目任嘉賓評判，期間被王俊棠等人扮演的樂隊引致發笑，最終倒瀉汽水弄濕褲，不過被取笑「濕晒」的他卻揚言好high。忘形的Eric其後更踢爆老婆擅長於奶奶面前「扮晒嘢」，嚇窒老婆！
郭偉亮（Eric）、葉佩雯（Grace）、天堂鳥、沈卓盈等前晚為無綫節目《Sunday扮嘢王》錄影，評判之一的Eric於節目中被王俊棠、鄭世豪、魯振順等人扮演的樂隊Village People逗得笑聲連連，期間不慎打翻身旁的汽水，令濕住褲的Eric狼狽走入後台整理，場面惹笑，及後由主持王祖藍再次陪同出場，雖然被取笑「濕晒」，但Eric卻未有介懷，還揚言好high，不過就要為此意外向王俊棠等人扣分。
自爆撐場的Eric，透露早前客串過祖藍新劇，如今出現其主持節目報答一番，雖然曾扮演過Iron man，但Eric卻表示不懂模仿，他謂：「Iron man係出世就似，除咗扮吳耀漢，老婆話個表情好爆笑。」而Grace卻被Eric踢爆她擅長於奶奶面前「扮晒嘢」，對此Grace謂：「嘩！好驚，出晒汗，玩咁大！（忍辱負重？）我平時好多嘢講，但同奶奶就會靜啲同講嘢小心啲，我哋關係OK！」
祖藍呷緊醋
而祖藍昨日就偕同女友李亞男出席該節目宣傳，對於祖藍早前公然對她於劇集喪咀表示詐型，亞男笑指祖藍內心的確有一絲醋意，不過咀的對手張繼聰是祖藍讀演藝的師兄，他當然未能多加意見，李亞男更坦言：「最多畀佢（祖藍）拍番兩部類似嘅打和！」至於祖藍被問到是否有醋意？他謂：「冇醋就驚啦！呢啲嘢係鬥拎quota嘅啫！」而同場的沈卓盈就表示拍親熱戲不用向男友備案。
文：影視組