任達華泰勁揪 禁妻女探班
名模琦琦與愛女任晴佳（Ella）歐遊個半月回港，隨即飛泰國探任達華班，Ella與爹哋個多月沒見，華哥接機時，Ella飛撲爹哋身上扮樹熊，全程黐到實！而華哥在電影中有不少打鬥場面，為免女兒看見，他禁妻女在他拍火爆場面時探班。
名模琦琦趁女兒Ella放暑假，與她到歐洲旅行個半月，前日才回港，逗留短短1日，隨即又飛泰國，探身在當地拍電影《殺破狼2》的任達華。琦琦昨日與女兒飛泰國，華哥專程抽空到機場接機，Ella一見爹哋即飛撲身上，父女相擁場面溫馨又感動。琦琦把照片上載微博，更半開玩笑呷醋說：「女兒太想念爸爸，看到爸爸后（後），我變成路人甲了。」
自創面膜笑壞琦琦
之後，兩父女完全不離身，Ella更拖實華哥唔放。琦琦笑說：「Ella喺歐洲時已好掛住爹哋，成日話要見佢，佢兩個有好多共同話題，有好多秘密，老公錫到佢燶！老公返咗酒店就即刻陪Ella游水，Ella仲好搞笑喺泳池旁邊執咗啲樹葉，洗乾淨後敷喺爹哋塊面度，仲話呢啲係天然面膜，搞到爹哋依依不捨咁去開工。」
問琦琦為何不到片場探班？她解釋：「佢喺戲入面做警察，今次有打鬥鏡頭，又要揸槍，唔想Ella喺現場見到咁暴力嘅場面，所以聽日先去探班，聽日嘅戲份溫和啲。」
文：名人組