金剛等富婆包養
曾志偉、金剛及江欣燕昨出席「願望成真基金X奇華餅家」活動，金剛女友蕊蕊坦言有內地富二代追求，金剛指蕊蕊有提過此事，但他對自己有信心：「都係拍緊拖啫，有人追好正常，咁先有價值，冇人追就慘。我乜嘢強唔使講佢都知，（邊度？）個心囉！我好照顧佢，用銀彈唔啱，感情唔係物質。」金剛說蕊蕊怪他不在乎，並稱：「點解冇富婆追我？搵志偉介紹吓先。」
而江欣燕屋企日前被爆竊，她指沒大損失，但其父於她房間裝了很多鐵枝，似坐監一樣。對於妹妹江希文被指與奶奶不和，江欣燕說不知情，但指妹妹與丈夫感情好。志偉則希望演協與願望成真基金合作，實現病童願望。