李亞男激咀反擊祖藍
藝人李亞男（Leanne）昨日以綠色露肩花花Tube Dress出席夏日活動開幕禮，大會即場展示她早前為該主題拍攝的鬼馬光影相片，相當盞鬼！Leanne開心表示可相約男友王祖藍齊齊留倩影：「想同佢去啲室外地方影，應該會好靚。」
祖藍日前發表對她與張繼聰激咀戲的「眼火爆宣言」，Leanne笑指：「佢以前都唔少啦，要還吓，其實我之前有畀佢睇過劇本o架，大家都係講信任。（之後敢唔敢接激情戲？）要睇劇本需要。（底線呢？）依家差唔多啦！」她坦言毫不介意祖藍有激情戲份，更輕鬆透露祖藍已咀過自己的姊妹。