何傲兒怪周子揚護花不力
藝人何傲兒（Lily）和周子揚公開戀情14日火速玩完，昨日兩人分別現身將軍澳工作，提到女方前日單方面宣布分手，子揚終於面對現實坦承已和平分手，並謂再見亦是朋友不會尷尬，問到是誰提出分手？他說：「無所謂啦！大家都有咁嘅諗法，冇特別原因。（因為女仔覺得成日畀人影到？）唔關事。（有箍煲？）唔講呢啲喇，總之我哋分開咗。（轉地下情？）唔想再回應感情事，多謝大家關心。」
Lily則與蔡思貝拍新劇《衝線》，她表示心情還好，一切如常：「今次都學識與其要人保護，不如自我保護。（被借炒作？）我冇咁講過。（小心揀男友？）依家會專心工作，感情事隨緣。（懷疑對方出賣行蹤？）冇諗。」問到有否因甩拖喊過？Lily哽咽道：「有唔開心，喊唔喊都唔重要。（轉地下情？）唔係。」她又稱公司沒詐型，也沒施壓。
