王祖藍硬軚激凸鳥

穿上緊身衫的王祖藍激凸登場。

王祖藍、薛家燕、郭晉安、欣宜及「蝦頭」楊詩敏前晚在電視城錄影節目《Sunday扮嘢王》，眾星繼續扮鬼扮馬放笑彈，蝦頭扮演已故歌后梅艷芳，獲祖藍、欣宜、姚兵及林穎彤身穿白色緊身衫伴舞，祖藍卻不慎激凸令「小祖藍」現形！同場的安仔笑他為何一直打側企，不敢正面示人，祖藍聞言立刻正面站立，但神色尷尬！祖藍又被家燕姐取笑一直手執羽扇，是否想遮掩甚麼，他即反駁只為抗衡家燕姐的羽毛髮型。至於扮許冠傑的周子揚與扮麥嘉的泰臣重組「最佳拍檔」，二人在化妝室外載歌載舞，場面搞笑！

安仔爆笑龜裂

擔任評判的郭晉安自認受歡迎才獲邀上節目：「呢個節目hit，就搵番啲暫時hit嘅人嚟做評判。」祖藍笑言會以黃金輪椅載安仔出場，安仔亦識做讚節目超好笑：「好笑到龜裂！（邊度裂？）面部龜裂！」以「真面目」示人的他被問會否想扮嘢？他笑言想扮小丸子嚇老婆歐倩怡，又稱會唱出老婆當年主唱的《問題天天都多》：「我可以扮小丸子氹仔同氹女，仲會唱埋首主題曲，實嚇死佢！（你擅唔擅長扮嘢？）每年台慶小生同花旦先可以扮嘢，一年一度唔夠過癮！今次見佢哋扮得咁開心，叫祖藍下次預埋我！」

王祖藍被薛家燕取笑以羽扇遮掩身軀。

郭晉安笑言想扮小丸子嚇老婆。

提到劇集《忠奸人》收視不俗，安仔表示下周將舉行慶功宴，又指對結局收視零壓力：「冇壓力，嚟緊劇情會推到最高峰，張繼聰會遭到酷刑添！（添食？）我都希望開拍續集！」

文：影視組