(11)吳凱欣應變力睇高一線
部分港姐昨日於活動後獲大會安排到指定髮型屋整頭，一行五人中黃燕如、(15)邵珮詩和(16)萬晴瑜「變髮」後煥然一新，她們結伴作「櫥窗購物」後便分道揚鑣，萬晴瑜則獨自逼巴士返歸。被無綫睇好的「大眼DaDa」(11)吳凱欣（Sofiee），如今勁敵楊埕退選頓成頂頭大熱，並以自信的口脗稱各港姐均有其獨特氣質，她則會做回自己：「我唔會同人比較，只會同自己比較。
（秘密武器？）我當空姐三年，適應能力較強，又做過模特兒，人生經驗會豐富啲！」Sofiee稱楊埕為參選港姐後的第一個朋友，對方離開亦感迷糊，但力撐無綫處理恰當。問事後可有聯絡？她說：「有聯絡，但冇問得好詳細，唔清楚佢咩事退選，但佢叫我哋繼續努力。」
