Ana R.拍情趣照 拒全裸
普遍人認為鬼妹仔的「性」格一定是採取開放態度，但混血名模Ana R.卻表明自己屬於傳統保守派人士，閒時多待在家中享受家庭樂，更講明拒拍艷照，就算與丈夫拍攝閨房照也定會有衣服在身！
兩位「星級名模」Ana R.和趙嘉懿（Carrie）昨日一同以大會評判身份出席小模特兒比賽活動，Ana身穿半透露腰短裙示人，性感非常。她稱有留意近日騎呢女子組合AD2成員Amy流出情慾短片，並誓不拍攝類似照片：「因為你唔知係咪一定同嗰個人一齊o架嘛！」她續勸女孩子在現時的數碼年代，要好好保護自己：「好彩我都算係比較保守，其實外國好多夫婦都會影吓，但大家睇完會即刻delete，不過我同老公影都一定有着衫囉。」
老公首次見親戚
Ana及後稱早前一直忙於工作，現已計劃與夫婿甜蜜共聚一番：「我哋首先會留喺屋企一邊食嘢飲酒，一邊睇戲，放鬆吓先，之後就會同老公一齊飛去韓國慶祝我媽咪生日，呢次亦係老公第一次見晒我韓國啲親戚，大約有45個。」Ana透露是次韓國之旅會長達兩周，還笑言有意造人：「我都希望有BB，無論喺香港定韓國製造啦！」
趙嘉懿「好」夠數
同場育有一子一女湊夠「好」字的Carrie身穿花花吊帶短裙上陣，盡現產後修身成功的美好身段，她稱囡囡已兩個月大，重達12磅：「我發現妹妹大大吓同哥哥個樣有98%相似，哥哥仲好錫妹妹。」她又透露應暫時停工生B：「但仔仔就同我講好想要多個細佬囉，（佢唔會呷醋？）唔會，佢仲好成熟咁同我講一家人嚟o架嘛。」
文：名人組