何傲兒未ready 速撇周子揚

無綫小花何傲兒近日被踢爆與周子揚撻着，兩人隨即公開戀情晒恩愛，私下亦打得火熱Sweet到公開啜爆，甚至已發展到「見家長」的地步。怎料這段戀情急轉直下，曝光14日便火速玩完，最終也逃不過「見光死」的命運！Lily昨日透過電話短訊，自爆與子揚的「分訊」，她說：「我和子揚的傳聞，經過一段了解的時間，自己也感覺到對感情事也仲未ready，所以唔會再繼續落去，而作為一個藝人，在公眾場合，言行舉止也應該要更有分寸，多謝大家關心。希望自己在工作上更多投入。」

男方唔知「分訊」

追問「不再繼續落去」是否指跟子揚分手？Lily坦言：「你講對了。（咁突然係咩原因？公司下令？）只係覺得對男女間嘅一份感情仲未ready。」她直言與對方一直了解中，對感情未作好心理準備，希望盡早決定以減低各方面的影響。記者致電另一當事人子揚，對於「分訊」他似乎仍蒙在鼓裏，子揚愕然地說：「吓！咩事？（Lily話你哋分咗手，你知道嗎？）未知，我轉頭call你，等我搞清楚件事先。」語畢他便匆匆掛線，看來是女方單方面提出分手，直至截稿前子揚還未有回覆。

劉佩玥撐周子揚為人專一及細心。

趙哲妤對何傲兒和周子揚的「分訊」大感可惜。

趙哲妤：耍花槍？

此外，自稱與他「青梅竹馬」的趙哲妤（Uny）也大感可惜：「咁快見光死？（Lily認咗分手。）我會打畀子揚關心吓，佢哋啱啱一齊經歷唔少嘢，希望唔係真、只係耍吓花槍啦。」並謂剛拍拖便公開，雙方必定感到壓力，自己則會選擇拍拖一年才公開。

在新劇《四個女仔三個Bar》合演情侶的劉佩玥（Moon），卻坦言不知道兩人分手，又籲大家給予Lily和子揚空間沉澱：「之前覺得佢有少少壓力、緊張。（因為啲報道？）我諗唔多唔少都有影響。」她又大讚子揚專一及細心。

文：影視組