張繼聰咀女等報應
張繼聰、陳凱琳（Grace）及黃智賢等昨在金鐘高等法院拍新劇《四個女仔三個Bar》，與Grace演情侶的張繼聰，讚Grace淡定又專業，Grace也坦言張繼聰好人，幫了她很多。問兩人有否親熱戲？張繼聰說：「我哋含蓄啲，唔似《忠奸人》咁激，我哋係比較靈性。」
談到與李亞男在《忠奸人》中激咀，張繼聰坦言已預先知會王祖藍，又指太太謝安琪與一家看該場戲：「仔仔睇到好入神，一到嗰啲場面我阿爸就熄電視，我外母就睇到好擔心個女嫁錯人，可能我太入戲。」他笑謂很快有報應，更坦言介意老婆拍親熱戲。