嘉玲「代夫」出咀 偉仔無限撐
影后劉嘉玲「代夫從軍」接演舞台劇飽受壓力，梁朝偉現身慰妻，承諾會當「背後的男人」予以無限量支持，認真sweet爆！據悉，嘉玲於劇中與梁家輝有「火辣演出」，且整晚頻頻換裝，造型亮麗恍如女王出巡，極度吸睛。
貴為影后的嘉玲夥拍梁家輝及謝君豪，演出英皇舞台劇《杜老誌》。繼慈善首映後，昨晚正式揭開公演序幕，臨開場前梁朝偉匆匆而至，趕入後台「慰妻」，向自言備受演出壓力的嘉玲大派定心丸，期間更不忘與家輝及君豪合照留念。
偉仔進場時大方停步受訪，提到嘉玲指老公辭演，她才執二攤，偉仔笑言：「演舞台劇好花時間，要事前儲夠足夠膽量。（會嚟捧幾多場？）佢話囉，我點都支持嘅。（點獎勵佢？）佢有排做喎，做完先算啦。」偉仔又指演舞台劇過程雖艱辛，但換來的滿足感難以媲美：「昨晚（前晚）開騷前我都傳咗個短訊畀佢，叫佢要enjoy the show。」
非洲度假睇獅子
至於嘉玲同時要兼顧新片《賭城風雲2》，飛往泰國與周潤發鬥戲，偉仔坦言：「大家都係演員，明白付出嘅努力可以換來好大嘅成功感。」至於未來工作動向，偉仔表示仍在放假中：「畀我放埋個暑假先，9月先算。（接拍王家衛《擺渡人》？）真係未知，過多個星期會明朗化。」他透露趁這悠長假期，早前飛往非洲親近大自然，日日與獅子、老虎為伴，相當寫意。
百變女王夠華麗
至於嘉玲前晚為《杜》劇慈善首映，落力演出，劇照亦隨之曝光。戲中扮演寡婦的嘉玲與家輝有近距離身體接觸，其中一幕更見她主動向家輝投懷送吻，角色造型方面亦落足心機，嘉玲整晚頻頻換裝，時而高貴時而性感，相當吸睛。
文﹕影視組