送戒指畀媽媽感動眼濕

Eric Kwok前晚在紅館開騷咁威水，郭媽媽當然要捧愛子場！Eric亦在台上特別大讚媽媽偉大：「記得細個媽咪成日會拎啲寶石出嚟，好開心咁笑。不過因為爹哋係病態賭徒，攞咗啲珠寶去就冇回頭，我想睇番媽咪開心笑嘅眼光。」

之後即場向媽媽送上親製的寶石戒指，令她感動到眼濕濕；之後Eric提到去年過身的爸爸時，更一度哽咽說：「我諗佢今日一定睇到，所以我留咗個位畀佢！」另外，前Swing成員Jerald擔任音樂總監，更再次與Eric合體以Swing身份壓軸登場，令觀眾大呼驚喜。