徐浩昌影寫真心跳速
憑Tempo紙巾廣告而成為「宅男」代表的徐浩昌（肥腸），雖然自言「唔夠靚仔」，但仍憑搞笑的外形成為廣告新寵，接拍多個新廣告。肥腸除活躍於幕前外，亦有參與不少幕後工作，他說：「其實我平日都有參與製作工作，好似最近就拍咗條YouTube片講『肥仔追女仔』！」
肥腸近日更參與寫真集，與日模山內藍合作進軍書展寫真戰！他們在鬧市中「剝衫」拍攝，當然性感鏡頭由山內藍負責，肥腸專責搞笑部分，艷福無邊的肥腸坦言心情緊張：「梗係覺得緊張啦！（係你緊張定山內藍緊張？）梗係我啦！雖然我平時拍攝時都有好多女仔圍住，但係拍呢啲鏡頭都覺得好緊張，仲嚇到個心噗噗跳。」