步姐揼百萬 變寒峰天使

星級形象美容造型師Alvin Goh擔任日本天后濱崎步的唱片及演唱會形象總監。操刀打造多個唱片造型及三個MV的Alvin，透露整個項目斥資逾百萬到美國取景拍攝，是他遇過最揼本的唱片製作。

為了給人全新的感覺，Alvin為濱崎步設計了數款不同造型，包括大膽強悍的火紅造型、愛美神飛彈的太空人造型、金光閃閃的性感天使造型等等。他說：「我最鍾意紅色嗰套，件衫嘅物料係我自己喺泰國買番嚟再整，顯得佢好strong。太空人嗰個我哋特登畀佢揸降落傘影，想帶出外星人降落地球。」由於所有造型均於室外取景，步姐要冒着寒風拍攝亦無怨言，更有要真空上陣的性感天使造型。Alvin說：「佢好信任我，我叫佢唔好戴bra淨係用手遮住，佢都二話不說就做，好專業。」

美國街頭取景

Alvin透露自己因簽證問題，差點不能到美國監督拍攝。當濱崎步得知此消息後，表示即使延期要花上更多時間和金錢，亦必須等待Alvin到埗才拍攝，足見Alvin地位超然。對於有不少網民劣評MV《XOXO》，Alvin表示：「個MV係想打造到佢成個姣婆咁，好性感同flirty，可能啲粉絲唔鍾意咁嘅佢。不過作為一個藝人，就係要試唔同嘅形象。」

文：名人組