發哥撩關詠荷加盟 家輝怕對厭

【陳偉立曼谷直擊】周潤發與張家輝、童星王詩齡（Angela）昨日在曼谷為王晶新片《賭城風雲2》拍攝，開工期間，發哥不時抽空與家輝「密密斟」，頻頻向家輝提議搵張太加盟，不過發哥受訪時坦言家輝唔多受落，更爆料指：「佢有個太太角色，我講笑提議搵關詠荷加入《賭城2》，但家輝話唔想同老婆日對夜對，仲要帶住個面具做戲，話留番啲機會畀佢（關詠荷）好拍檔歐陽震華喎！」

而拋下妻兒遠赴泰國開工的家輝，已習慣當地的節奏，更計劃抽空到處遊覽，問會否相約《激戰》拍檔泰國人妖Poyd？家輝笑言：「我都冇佢電話，撞到就撞啦！不過佢依家都多數喺內地拍劇。」

關詠荷	發哥親切地與八十歲的婆婆玩自拍。	乖巧的Angela向發嫂送上自己的畫作。

肩負晒肌重任

早前在《激戰》狂騷fit爆身形的家輝，笑言今次將晒肌重任交予發哥：「有得騷都冇肌喇，唔通做大隻會計師！發哥晒肌得啦，佢fit到爆，落咗好多苦工，準備大開眼界！（教發哥打泰拳？）唔使我教，佢就上台打，我今次做斯文人，出術幫佢贏！」面對家輝邀晒肌戲，發哥不擔心被比較，更笑言：「係呀！我要騷！不過我打泰拳係要瘦，冇佢喺《激戰》咁大隻囉。」

發哥與家輝得悉內地女星周迅日前閃婚，亦紛紛送上祝福，家輝笑言希望請對方食飯，而發哥則指：「同佢係《孔子：決戰春秋》合作，恭喜佢搵到好歸宿。（有傳奉子成婚？）唔會啩，佢想做媽媽？咁祝佢雙喜臨門啦！」

文：影視組