吳鎮宇拍《爸爸2》冇不和

藝人吳鎮宇昨日與林心如、導演葉偉民和編劇文雋到北京，出席主演電影《京城81號》發布會，其後又連跑五間戲院，向內地觀眾大派海報。談到近日拍攝內地真人騷《爸爸去哪兒2》，問到同時要兼顧宣傳，會否感到疲累？鎮宇說：「雖然係有啲攰，但做呢個節目幾開心。」對於被指與《爸》導演謝滌葵意見不合，父子倆更遭導演大刪鏡頭，鎮宇稱報道失實：「我一路都拍得好開心，同導演都合作愉快，從來都冇人cut過我哋兩父子嘅演出。」