張智霖Sing戰跪拜歌神
有「Cool魔」之稱的張智霖（Chilam）紅館演唱會尾場請來「歌神」張學友來個「神魔對決」，結果Chilam甘拜下風當場跪低。
Chilam一連三場的《CHILAM CRAZY HOURS LIVE 2014》紅館演唱會前晚圓滿結束，尾場繼續有老婆靚靚、好友蔡一智夫婦、蔡一傑、伍詠薇與老公、盛品儒等撐場，Chilam的父母及姐姐、劉心悠、王祖藍與女友李亞男當晚亦是座上客。Chilam在騷上繼續大騷七舊腹肌，又請到一身鮮紅衫「厲鬼Look」的鄭欣宜和他合唱。演唱會高潮莫過於「歌神」張學友擔任壓軸嘉賓，Chilam笑言請歌神做嘉賓好危險，又特別為今日（10日）生日的學友提早慶祝生日，送上蛋糕以及帶領全場唱生日歌。之後兩人合唱一曲《吻別》，Chilam唱到興起更即場向學友下跪。
去旅行度假
完騷後Chilam透露將會放假與靚靚及兒子去旅行享受陽光海灘，提到第二場請到靚靚做嘉賓，Chilam笑言她是最難請的嘉賓：「其他人一口答應，唔知點解佢咁深思熟慮，佢一上台我就明白，佢原來記唔到歌詞，但個效果同嗰段說話令我好感動，個氣氛好感人，就算排得幾好，唱得幾天籟，都冇真情咁動人，係無價嘅一樣嘢。」Chilam又講笑指請到老婆和囝囝做嘉賓及聲音演出後，已沒有甚麼可以難倒他。
大方賀舊愛
另外，欣宜前男友Mark Ryan的女友Hannah Tin被指有喜，昨日Mark Ryan接受電話訪問時證實即將榮升老竇：「12月會做爸爸，7月22日生日會驗BB性別，原本打算聖誕節結婚，但依家有BB要延期。」而鄭欣宜接受訪問時大方送上祝福，指前男友一向想組織家庭，戥他高興，問到對方結婚時會否出席？她笑說：「唔知佢請唔請我，請我都要睇吓工作嘅檔期。」
文：音樂組