陳庭欣認燈神 指死巴西

世盃四強賽事，昨日凌晨巴西在主將尼馬缺陣下對戰德國，結果以1:7慘敗，令不少巴西躉大跌眼鏡兼呻慘。當中有七位賽前睇好巴西的女藝人絞盡腦汁捧巴西，結果七位女神變成燈神燈死巴西！

陳庭欣與莊思敏於賽前出席無綫世界盃活動，陳庭欣風騷大晒塗上「巴西Be World Cup Winner」字句的指甲，但怎料賽果仆直。昨午她接受電訪時直認早已是明燈，朋友會問她意見然後改捧另一隊。亦是巴西躉的莊思敏說：「感性上想巴西贏，係主辦國捧盃嘅話好有紀念性，估唔到佢哋輸得咁慘烈！」一直支持巴西的黃翠如直認傷心，希望荷蘭打贏阿根廷再打贏德國捧走冠軍，為巴西報仇。

黃翠如不想德國贏冠軍。

莊思敏與陳庭欣都是巴西躉。

林欣彤唔識形容心情

歌手連詩雅及林欣彤分別在微博寫道「Are u serious？巴西吖……」及「我諗咗好耐應該打咩嚟形容我嘅心情，但我諗咗好耐都諗唔到。」賽果令二人極失望。港姐張名雅則指巴西慘敗創出新紀錄，而身在巴西的苟芸慧表示：「巴西輸德國1:7真是一場噩夢」。

連詩雅驚訝巴西大比數輸波。	苟芸慧形容巴西輸波是一場噩夢。	林欣彤不知怎形容自己的心情。
張名雅指巴西慘敗創出新紀錄。

開口中幫人贏大錢

另外，張智霖昨日在微博興奮寫道，自己於演唱會上開口中，於巴西對德國給了「五球或以上」的貼士，令髮型師助理贏大錢：「我的髮型師的助理昨晚真的聽到我在台上的胡扯，真的買了『客其他』的波膽，然後真的中了125倍的獎金！」

文：影視組