發哥冧莊新賭神片酬加碼
周潤發主演新戲《賭城風雲2》低調在泰國開鏡。本來發哥屬意影片明年拍攝，但最終被導演王晶誠意打動今年「冧莊」，不但獲王晶主動加片酬，還為他度身訂造角色，鎖定發哥為他明年第100部電影的男主角，可見發哥魅力非凡。
去年發哥主演的《賭城風雲》，獲超過5億人民幣內地票房，香港勁收三千五百萬元，加上贏盡口碑，難怪王晶與監製劉偉強決定「加碼」製作費至1億5千萬人民幣，添食開拍續集，讓發哥在大銀幕上繼續展示其「新賭神」的魅力！而日前王晶與劉偉強則擇吉日齊齊飛抵泰國白龍王廟開鏡，整個儀式由黃龍王主持，據悉一眾演員，包括發哥及家輝等，將於日內飛抵當地準備投入拍攝。
度身訂造角色
原本發哥打算押後《賭》片到明年拍攝，王晶亦承認確有其事：「佢話係都隔一年先啦，我同佢講，出年我要拍自己第100套戲，已經為佢度身訂造好另一個角色。」王晶為表誠意主動加發哥片酬，最終發哥睇完劇本都答應。問到發哥片酬躍升了多少，王晶則笑言是秘密。
《賭2》的另一賣點就是張家輝與年僅4歲的王詩齡父女情。由於至今二人仍素未謀面，家輝直言存在一定壓力：「我近排忙到冇時間呀，惟有上網查吓佢啲資料啦，初步都覺得佢好有童真同得意。佢係我拍檔中年紀最細嘅一個，怕且都要花多啲時間同佢建立友情，唔做得淨係『敦』起個大人款嘅，我諗住到時買定啲糖果同小禮物氹吓佢囉。」
文：影視組