張家瑩與發哥交手 榮幸被突襲
亞姐張家瑩深得幸運之神眷顧，身材高挑的她擁長腿及D Cup上圍，天生黃金比例！事業方面，多做主持的家瑩最近踩入影壇，即有幸與兩大影星周潤發及古天樂合作，令大批姊妹羨慕！
07年亞姐冠軍張家瑩（Grace）入行以來多數主持飲食及旅遊節目，近月終有機會踩入影壇，拍攝兩部杜琪峯執導電影，分別跟古天樂、周潤發、張艾嘉及湯唯等好戲之人合作，令她獲益不少。提到與古仔及發哥近距離接觸，她直言緊張心跳：「古仔好靚仔，愈來愈有味道，估唔到有機會同佢咁近，我個心當堂卜卜跳。（理想男友類型？）唔敢！男友會揀番敦厚啲或年紀大啲，驚太靚仔會走咗去！至於發哥，我細細個已經睇佢做戲，覺得佢演技超班又係個好老公，佢咁多年都保養得好好，絕對係我偶像。」她表示有日被愛攝影的發哥「突襲」拍照，想不到能在對方的鏡頭下出現，感覺榮幸。
完美體態唔好嘥
夏日炎炎，身高1米72的家瑩擁修長美腿，加上35D導彈，當然要穿泳衣大方晒料，家瑩亦自信身材不俗：「我都幾滿意嘅，參選時得過完美體態獎，有朋友話係黃金比例，身短腳長，所以都想趁後生着多啲泳衣，我好鍾意遊船河，但要注意防曬及補濕。」
文：影視組
攝：劉斌