何倍倩變怪獸家長
恒生新抱何倍倩豪擲七位數投資護膚品精品店，既做事業女性又做賢妻良母，及後更自爆為四歲的大仔報考小學而備戰，為做足預備不知不覺已成為怪獸家長！
恒生新抱何倍倩昨日以露肩裙出席自己投資的LCA Beauty精品店開幕發布會，透露投資七位數字，問她又搞生意，老公會否詐型？她笑說：「有，但佢又好鼓勵我做生意，不過驚我時間分配有問題，始終我依家有三個小朋友要照顧。」
她表示大仔四歲，讀緊幼稚園K2，坦承不知不覺間做了怪獸家長：「我之前好free，但個仔愈大，我就變得怪獸家長。」她補充說：「我安排咗一連串暑期活動畀佢，踢波、游水、國語同畫畫，文武都有。」她坦言是為考小學作準備：「佢嗰年出生率好高，小學愈嚟愈難考，所以要訓練吓，況且依家考小學唔單止考小朋友，家長都考埋，大家都有壓力。」
傅嘉莉勤操S形
同場還有傅嘉莉（Kelly)、莊思敏、丁子高等，性感上陣的Kelly表示要積極操弗自己：「想個pat pat翹啲，要S形，同埋練人魚線，所以會做埋淋巴，最羨慕巴西名模Gisele的身形。」
而擔任司儀的莊思敏表示今年工作上多了不同新嘗試，除了自己製作微電影，更客串拍電視劇，同姚子羚做對手戲：「我哋識咗好耐，但未曾合作過。（子羚被指搭上文詠珊的士行太子爺緋聞男友鄭子邦？）有問佢，佢話唔係，我哋當笑料一則。」至於妹妹思明被黎諾懿取笑隆胸，她笑說：「阿妹冇嬲，因為佢哋好friend。（咁阿妹有冇咁嘅需要？）冇，佢OK喎！況且佢又怕痛。」
文：名人組