官恩娜舉步維艱男友揹落山

歌手官恩娜（Ella）昨日出席手機發布會，Ella笑言自己不是低頭族：「我怕有眼紋，所以會抬高手用，其實我係『高頭族』，加上之前整親條腰，我帶咗個幾兩個禮拜腰箍，依家特別重視正確姿勢。」Ella表示早前因為不小心扭傷又繼續騎馬而加重傷勢，問到混血兒醫生男友有甚麼意見？Ella就話：「佢叫我睇專科，試過有次上斜路上面食飯，痛到落唔到嚟，要男朋友揹我落嚟。」講到傷腰對女仔不好，Ella說：「醫生同我講超人（已故美國演員基斯杜化里夫）就係咁癱咗，同我情況一樣，仲話椎間盤可能會影響懷孕，聽到嗰時我好驚。」