藝人吳千語、練馬師葉楚航和騎師潘頓以嘉賓身份，昨日出席餐館開幕剪綵。吳千語透露有興趣做飲食生意，可惜現在工作較忙而未能實行，她說：「可能要到劉嘉玲呢個級數先做到生意。」問到若日後開食肆會否改名為「峯語同路」？她說：「咁老套。（與男友林峯一齊投資？）唔知佢有冇興趣做飲食，可能佢自己想投資其生意呢。（叫佢打本畀你？）大家財政獨立，唔會啦。」問到平時與男友食飯，是否各自付錢？她說：「食飯通常佢畀，男士畀都好正常，但購物買嘢係自己付款。」
