美國國家足球隊於香港時間昨日凌晨，與德國隊踢世界盃最後一輪分組賽，一眾荷里活星當然坐定定睇波支持，女星謝茜嘉比爾（Jessica Biel）戴住美國旗Cap帽及咬住美國旗撐國家隊，又於社交網站上載一碟冬甩插上美國旗的照片，揚言假如美國隊勝出，將整碟冬甩連支旗食清光，猶幸美國隊並未有贏波，否則謝茜嘉應該要「走數」。
此外，影星Josh Duhamel與10個月大的兒子齊齊着美國隊球衣睇波，其後於Twitter上載父子騎膊馬的相以表支持。