嘉玲隔胸送禮夠凸別

劉嘉玲昨日出席腕錶品牌FRANCK MULLER®旗艦店開幕活動，並與亞太區品牌大使張智霖（Chilam）齊齊擔任剪綵嘉賓。一身密實打扮的嘉玲只稍露美腿，但剪綵時其左胸竟隱約凸點，相當誘惑。嘉玲表示剪綵儀式後便要趕住走，問到她是否趕去為52歲生日的丈夫梁朝偉慶祝？嘉玲說：「唔係，我要趕去綵排舞台劇《杜老誌》，每日都要綵排8個鐘，所以要借你哋同偉仔講生日快樂。（有冇預早慶祝呀？）冇。（畀suprise佢？）suprise就係今晚冇得同佢食飯。（佢啲fans日前同佢慶祝咗？）係，啲fans每年都會同佢慶祝，所以佢唔會寂寞。（咁偉仔今晚點？）佢應該會同朋友食飯慶祝。（送禮物畀佢？）準備咗，唔知佢鍾唔鍾意，係一份心意。」雖然未能同偉仔慶生，但嘉玲昨在微博放上偉仔童年照，祝福愛人「愛不是改變對方，而是在旁守護，生日快樂」，sweet爆。

爆老公9月拍新片

嘉玲又透露因要排練舞台劇而壓力大得令她失眠：「耐唔耐就發忟憎、嘔、周身唔聚財，平時唔會咁，依家瞓覺、行路同做運動都滿腦子對白。（偉仔咪要忍？）係呀。（佢忍到？）佢咪唔出聲囉。佢9月要開新戲，都操緊，咩戲等佢自己公布，係喜劇嚟。我都要鍛煉好身體，演26場冇替身，演一場都虛脫，暫時戒咗酒等自己醒啲。舞台劇每一秒都要stand by，好佩服謝君豪，佢一上台就好似角色人物上咗身咁，我同梁家輝就比較吃力。」

梁朝偉	嘉玲與Chilam分別獲贈158萬和200萬的腕錶。

前日嘉玲離家出門時見有大批傳媒守候，車上的她主動叫司機停車並跟記者打招呼，並稱要去綵排舞台劇。至於偉仔的粉絲已為偶像舉行生日會，近日更收到逾百封各地粉絲寄來的生日卡。

嘉玲放上偉仔的兒時照。

剛出家門的嘉玲主動與記者打招呼。

文：名人組