林夏薇玩具曲尺 練槍姿

正為新劇《天眼》開工的藝人林夏薇，首度一嘗當Madam滋味，由於劇中不乏開槍戲，身為「上司」的鄭嘉穎即師傅上身指導林夏薇揸槍竅門，她謂：「呢套係我第一套警匪劇，本身唔識開槍，好在嘉穎教我，話我知對眼點對位，隻腳點企會型啲，細節嘅嘢都會講，我仲專登去氣槍舖頭買咗支玩具曲尺槍，日日喺屋企對住塊鏡練習，咁當然入面唔係真係子彈，只係放BB彈啫，希望到時出嚟唔會失禮啦！」
林夏薇揸槍姿勢似模似樣。
林夏薇揸槍姿勢似模似樣。