Mr.開騷義演大唱Sam歌
樂隊Mr.決定助人為「樂」，不收分文舉行慈善音樂會。他們將夥拍許懷欣（Ryan）在騷上表演由「歌神」許冠傑（Sam）創作的新歌，齊齊為慈善發聲，希望能呼籲更多粉絲參與義工。
Mr.將於8月頭在麥花臣球場舉行慈善音樂會為麥當勞叔叔之家籌款，五子除不收歌籌義演外，又親自設計愛心Tee及落手落腳走上街頭義賣獎券，為慈善出錢又出力，只望呼籲更多粉絲參與義工：「我哋探訪過麥當勞叔叔之家，知道有好多病重嘅小朋友要照顧，除咗身體力行做義工之外，都想呼籲更多人參與。」
與許懷欣jam出火花
屆時Mr.將表演由「歌神」許冠傑創作的歌曲，他們直言希望歌神可到場支持：「Sam哥寫咗首歌畀個活動，希望到時他會現身支持後輩，唱佢嘅歌會有少少壓力，但我哋為慈善唔會諗呢啲嘢。」除獻唱「Sam歌」，五子更會首次與Sam兒子許懷欣jam歌，問到會否合作寫歌？Ryan說：「我哋之前活動上見過，但未試過同台，大家都好忙，要jam吓有咩火花先。」Ryan又透露父親曾為麥當勞叔叔之家捐出簽名結他，結果籌得38萬港元。
婚禮全由女友安排
Mr.早前為了製作國語碟長駐台灣，他們表示今年將回歸香港樂壇，並透露正籌備新廣東碟：「年幾冇出廣東歌，返來做呢個音樂會，同埋準備廣東碟。（國語碟出咗冇耐？）香港做音樂無得停，我哋唔係失咗蹤，但寫歌都需要時間。」問到年底結婚的Alan會否冇時間準備婚禮？他則感激女友支持：「今年好多plan都係為隊Band，所以結婚方面都辛苦女友，婚禮年底搞，唔算大排筵席，但希望雙方家人開開心心。」
文：音樂組